Հայաստանի Հանրապետության գիտությունների ազգային ակադեմիայի նախագահ, ակադեմիկոս Ռադիկ Մարտիրոսյանն իր այցելության ժամանակ ՀՀ ԳԱԱ «Փորձաքննությունների ազգային բյուրո» ՊՈԱԿ-ի աշխատակազմին ներկայացրեց կազմակերպության նորանշանակ տնօրեն Արգամ Հովսեփյանին: 
ՀՀ ԳԱԱ նախագահը շնորհավորելով Արգամ Հովսեփյանին նշեց, որ երկար տարիներ աշխատելով փորձագիտական բնագավառում նա ծանոթ է ոլորտին և լավատեղյակ է այն քայլերին, որոնք անհրաժեշտ են ձեռնարկել կազմակերպության շարունակական զարգացումն ապահովելու համար և համոզմունք հայտնեց, որ նա կկարողանա նոր թափ հաղորդել կազմակերպության առաջընթացին, քանի որ  կազմակերպությունում Արգամ Հովսեփյանն աշխատելով ստեղծման օրվանից քաջատեղյակ է նաև անձնակազմի ուժեղ և թույլ կողմերին: 
ՀՀ ԳԱԱ նախագահը վստահություն հայտնեց, որ Արգամ Հովսեփյանի կողմից պաշտոնի ստանձնումը կլինի շատ սահուն  և նշեց, որ անձնակազմին անհրաժեշտ է համախմբվել, ներդնել առկա ողջ ներուժը, ձեռքբերումներն ու փորձը ոլորտի շարունակական զարգացումն ու առաջընթացն  ապահովելու նպատակով: 
ՀՀ ԳԱԱ նախագահ Ռադիկ Մարտիրոսյանը խոսեց նաև ոլորտի առջև կանգնած խնդիրների, առաջիկա զարգացման ծրագրերի և հեռանկարների մասին:
Արգամ Հովսեփյանը շնորհակալություն հայտնեց ՀՀ ԳԱԱ նախագահին և կազմակերպության կոլեգիալ կառավարման մարմնին` խորհրդին, նման բարդ և պատասխանատու պաշտոնն իրեն վստահելու համար, հավաստիացնելով, որ նախորդ տարիների փորձի և գործունեության արդյունքում կազմակերպությունում ձևավորվել է համախմբված թիմ և ինքը կձեռնարկի բոլոր  հնարավոր միջոցները ստեղծելու այն հարթակը, այն օբյեկտիվ դաշտը, որտեղ աշխատակիցների գործունեության՝ մասնագիտական ունակությունների իրացման արդյունքում հնարավոր կլինի ապահովել կազմակերպության կանոնադրական գործառույթների պատշաճ մակարդակը: 
Ա.Հովսեփյանը նաև նշեց, որ ներդնելու է ողջ ներուժը բարձրացնելու կազմակերպության դերն ու նշանակությունն ինչպես ներպետական մակարդակներում, այնպես էլ միջազգային հարթակներում, ընդգծելով նաև շահագրգիռ պետական մարմինների աջակցության կարևորությունը կազմակերպության զարգացման գործում:

28 Դեկտեմբեր 2016